fbpx
SANTURTZI

ERREZETAK SARDINEKIN

Has gaitezen lanean!

Ba al zenekien sardina hainbat plateren protagonista nagusia dela?

Sardina janari gozo-gozoa da, modu desberdinetan prestatu daitekeena, errezeta batzuk erraz-errazak dira, eta badira lan handiagoa eskatzen dutenak ere.

Aukeratu gaurko errezeta eta hasi lanean sukaldean. On egin!

AUKERATU ERREZETA

Sardinas a la brasa en Santurtzi
Santurtzi logo

Sardinak txingarretan

Hemen ikasiko duzu zelan egin sardinak txingarretan, Santurtzin prestatzen diren bezala. Ikusiko duzu, hatzak miazkatzeko modukoak dira.

Kantauri itsasoan ez dira urte osoan egoten. Denboraldia ekainean hasi eta azaroan amaitzen da, baina gozo-gozoenak Karmengo jaien bueltan arrantzatzen dira, uztailaren erdi aldean.

Sardinak freskoak direnean, zilar kolore distiratsua dute, begi argiak eta odolik ez. Gainera, gorputza tente eta zakatzek kolore gorri bizi-bizia izaten dute.

Harrapatu eta bizpahiru egunera freskotasuna galtzen dute, eta kiratsa darie.

Osagaiak

  • Sardina freskoak eta kalitatezkoak, ez oso handiak eta ez oso txikiak.
  • Gatz lodia


Prestaketa

Lehenengo eta behin, txingarrak prestatu behar dira.

Txingarrik onenak egurrezkoak dira, baina batzuetan ez da erraza inguruan izatea eta ikatz begetala erabili behar da.

Sua piztu, eta garrei indarra galtzen utziko diegu, txingarrak soilik geratu arte. Garrik bada, edo txingarra ez badago nahiko “heldu”, apur batean itxaron beharko dugu; bestela, garra atera eta sardinak erre daitezke eta.

Sardinak osorik prestatuko ditugu, garbitu barik eta ezkatak kendu barik, txingarretan dauden bitartean haragia babes dezaten. Gatza botako diegu.

Paila (horrelaxe deitzen zaie Santurtzin arranparrilei) ikatz-txingarretatik oso gertu jarriko dugu eta sardinak lerroan bere gainean.

Sardinen isatsa txigortzen hasten denean, jateko prest egongo dira. Alde bietatik gatz lodia bota eta ogi-xerra baten gainean aterako ditugu.

Prestatu berri jan behar dira eta jakina, eskuekin. Alde batetik burutik helduz eta bestetik sardinaren trontzoaren zati bat. Zuzenean ahora eta euren zapore paregabea gozatzera.

Txakolinarekin janda askoz ere gozoagoak dira (JD Bizkaiko Txakolina”).

Sardinas a la cazuela - Santurtzi
Santurtzi logo

Sardinak lapikoan

Plater hau Ana Maria Calerak “La cocina vasca” liburuan (1978) agertu zuen errezetan oinarritutakoa dago. Prestatzeko erraza da, merkea eta gozo-gozoa, ezin egokiagoa etxeko guztientzat.

Osagaiak lau lagunentzat:

  • 2 dozena sardina;
  • Gatza;
  • Tipula 1;
  • 2 ale pipermin;
  • 2 ale baratxuri;
  • Olioa;
  • Tomate-saltsa;
  • Edalontzi 1 ardo zuri;
  • Perrexila
  • Ogi birrindua.

Tipula, baratxuriak eta pipermina sutan jarri eta gorritu arte frijitu ostean, kikara txiki bat tomate-saltsa botako dugu.

Sardinak saltsaren gainean jarriko ditugu, eta edalontzi bat ardo zuri,ozpin koilarakada bat eta ogi birrindua botako diegu. Labean sartuko ditugu 10 bat minutuz 180º-tan.

Atera eta perrexila botako diegu txiki-txiki eginda.

Jateko prest!  On egin!

Sardinas marinadas -Santurtzi
Santurtzi logo

Sardina marinatuak

Sardina marinatuak eta antxoa marinatuak berdin-antzera prestatzen dira. Ez dute lan handirik eskatzen eta goxo-goxoak dira.

Osagaiak lau lagunentzat:

  • 2 dozena sardina;
  • Ozpina;
  • Oliba-olio birjina;
  • Baratxuriak; 
  • Perrexila eta gatza

Sardinak garbitu eta hezur nagusia kenduko diegu.

Gero, trontzoa ur hotz-hotzez garbituko dugu hondar guztiak kentzeko.

Eta paper xurgatzailez lehortuko ditugu, trontzoak garbi-garbi eta lehor uzteko.

Horren ostean, kontu handiz kristalezko ontzi batean jarri eta ozpinez estaliko ditugu.

Hozkailuan 3 bat orduz utziko ditugu ozpinetan beratzen. Tarte horretan kolore zurixka hartuko dute.

Ozpina kendu eta oliba-olio birjinaz, baratxuriz (txiki-txiki egina) eta perrexilez onduko ditugu.

Listo!! Ezin errazago, ezta?

Sartu gure blogean

Santurtzi marinero

Santurtzi marinela, planak Bilbotik gertu

Gaur, Santurtzi ezagutzera gonbidatu nahi zaitugu, non itsasoaren zaporeek eta itsas izaera nahasezinak harrituko baitzaituzte.
Sardinas a la brasa en Santurtzi

Sardinak txingarretan

Ezagutu nola egin sardinak plantxan, Santurtziar erara, hatzak miazkatuko dituzun. Hamarreko sardinak!
Sardinas a la cazuela - Santurtzi

Sardinak lapikoan

Errezeta sinple, merke eta goxoa familia osoarentzat. Sardina goxo hauekin txirrina eman kazolara.
Sardinas marinadas -Santurtzi

Sardina marinatuak

Santurtziar sardina marinatu errezeta, antxoaren antzeko prestaketa du. Oso erraza eta goxoak dira.
Monte Serantes, Santurtzi

Serantes mendia, Santurtzi Itsaso ikusteko begiratoki bat

Ikuspegi ikusgarriez gain, Serantesek aukera ugari eskaintzen dizkizu: oinez edo bizikletaz egiteko ibilbideak, bisita gidatuak eta biodibertsitatea ezagutzeko tailerrak edo monumentu-multzoaren kategorian kultura-ondasun izendatutako gotorlekuetara bisitak.
Santurtzi, visitas teatralizadas

Sardina freskue! Hasi dira santurtziko bisita antzeztuak!

"Santurtzi Itsasoa Museoa" itsas Museoak aukera paregabea eskaintzen dizu antzeztutako arrain enkante bat berpizteko.

EMAN IZENA GURE BULETINEAN

Jaso gure berriak e-mailez

Ez galdu Santurtzin gozatu ditzakezun ekitaldi, jarduera eta esperientziei buruzko berriak.

Aprobetxatu gure deskontuak afari, erosketa edo ostatuetarako, eta irabazi sariak gure lehiaketa eta zozketekin.

Hori guztia Santurtzin ezin hobeto pasatzeko.

Santurtzi logo

Itsas zaporea


Santurtzik itsasoaz eta mendiaz, hiriko jarduerez eta naturaz gozatzeko, sasoiko arrainik onenak dastatzeko, txingarretan egindako sardina goxoak dastatzeko eta pintxo gozoak dastatzeko aukera ematen du.

Bizkaian zurezko arrantza-itsasontzietan geratzen den azkenetakoa ere bisitatu ahal izango duzu, bai eta Itsasoa Museoa ere. Bertan, gure esentzia eta itsas arima ezagutuko dituzu, eta antzeztutako arrain enkanteetara joan zaitezke.

Edo, nahiago baduzu, senti ezazu balea bat zugandik metro gutxira, eta hunkitu zure bizitzan izango duzun esperientzia onenetako batekin.


Itsasoratu gure belaontzi-irteerekin, edo alokatu espazio bat zure musika-emanaldirako edo zure elkarterako.


Etorri Santurtzira, itsas-zaporea duen herri eder eta abegitsu bat izango duzu zain.