fbpx
Santurtzi logo

Sardina freskue! Hasi dira santurtziko bisita antzeztuak!

"Santurtzi Itsasoa Museoa" itsas Museoak aukera paregabea eskaintzen dizu antzeztutako arrain enkante bat berpizteko.

“Santurtzi Itsasoa Museoa” itsas Museoak aukera paregabea eskaintzen dizu antzeztutako arrain enkante bat berpizteko. Oso ikuskizun dibertigarria da, eta arrantzaleen kofradiako enkanteen aretoan egiten da oso-osorik, Arrain Salmenta Etxe enblematikoan (1916).

Enkanteak antolatzen ditugu urte osoan. Hurrengoak urriaren 31n eta abenduaren 5ean izango dira, 12: 00etan.

Parte hartzaileen kopurua mugatua denez, zuen lekua erreserbatzea gomendatzen dizuegu.

Gure sardinerak

Portutik ontziak bazetozela ikusi bezain laster, sardinerak porturantz abiatzen ziren korrika arrain freskoena lortzera.

Otzara buruan, gona altxatuta eta hankak airean, oinez joaten ziren ortozik (abarketak ez apurtzeko) Bilboraino edo itsasadarraren ondoko beste herri batzuetaraino… Barakaldo, Sestao, Erandio…

Otzarek 12 bat kiloko pisua izaten zuten, baina batzuetan 20 kilo ere eraman behar izaten zituzten buruan sardinerek.

Herriko sardinera ezagunenetako bi La Bella Charo eta Sotera izan ziren. Azken hau ospetsua zen herrian botatzen zituen bertsoengatik. Santurtziko trainerurik ezagunenak bere izena darama.

Sardineraren estatua euren omenez egin zen. Eta badirudi Lucarini eskultorea La Bella Charoren figuran oinarritu zela estatua egiteko.

Enkanteak, aspaldikoak bezalakoak

Sirena-hotsa, arrain-enkante antzeztuak hastera doaz. Larunbatero, Karmenek, sardinera peto-petoa bera, emakume sendo haien eguneroko bizimodua ekarriko digu gogora, etxea gobernatu ez ezik, arraina saltzen ere ibilitzen ziren eta. Otzara eskuan, irribarretsu eta bizi-bizi, Karmen gurekin egongo da, Kofradiaren enkante-gelan agurtzen dugun arte.

Rogelio enkantegileak enkantean parte hartzera animatuko gaitu. Baina Karmen ez da milikerietan ibiliko eta parterik onena bereganatzen ahaleginduko da.

Santurtziko itsas-iraganean zehar egingo dugun ibilbidean aurrera,  Julian ezagutuko dugu arrantza-portuan, 110 urtetik gorako udatiarra bera, zeinak emango digun Santurtzik XIX. mendearen hondarretan eta XX. mendearen hasieran bizi izan zuen garai loriatsuaren berri, artean burgesia aberatsak udak gure “herri eder honetan” ematen zituen eta.

Non eta noiz? Santurtziko arrantza portuan

Bisita hauetan parte har dezakezue urriaren 31n eta abenduaren 5ean, 12:00etan, 2 euroko prezio sinbolikoan.

  1. JARDUERA SEGURUA

Santurtziko Turismo Bulegoan, jardueraren sustatzailea, hartu beharreko osasun-neurri guztiak hartu ditugu parte-hartzaileen segurtasuna une oro bermatuta egon dadin. Besteak beste, parte-hartzaileen kopurua murriztu egin dugu eta horregatik gomendatzen dugu plaza aldez aurretik erreserbatzea.

Erlazionatutako argitalpenak

Food truck Santurtzi

Food Truck Santurtzin

Apirilaren 8an berriro izango da gurean Food Truck Santurtzi. Nazioarteko azoka gastronomikoa asteburu osoan, eta hainbat jarduera gozatzeko.

Hiriko artea Santurtzin Keroren eskutik

Kero Santurtziko graffiti- eta mural-egile baten tag edo sinadura da, ume-umetatik ordu luzez marrazkigintzan aritu dena.

BLG/BORSIG-12 lokomotorra

Gure eskualdeko burdinaren industriaren jatorria topatzeko Garai Modernoa hasi aurretiko bost edo sei mende egin behar dugu atzera.

EMAN IZENA GURE BULETINEAN

Jaso gure berriak e-mailez

Ez galdu Santurtzin gozatu ditzakezun ekitaldi, jarduera eta esperientziei buruzko berriak.

Aprobetxatu gure deskontuak afari, erosketa edo ostatuetarako, eta irabazi sariak gure lehiaketa eta zozketekin.

Hori guztia Santurtzin ezin hobeto pasatzeko.

Santurtzi logo

Itsas zaporea


Santurtzik itsasoaz eta mendiaz, hiriko jarduerez eta naturaz gozatzeko, sasoiko arrainik onenak dastatzeko, txingarretan egindako sardina goxoak dastatzeko eta pintxo gozoak dastatzeko aukera ematen du.

Bizkaian zurezko arrantza-itsasontzietan geratzen den azkenetakoa ere bisitatu ahal izango duzu, bai eta Itsasoa Museoa ere. Bertan, gure esentzia eta itsas arima ezagutuko dituzu, eta antzeztutako arrain enkanteetara joan zaitezke.

Edo, nahiago baduzu, senti ezazu balea bat zugandik metro gutxira, eta hunkitu zure bizitzan izango duzun esperientzia onenetako batekin.


Itsasoratu gure belaontzi-irteerekin, edo alokatu espazio bat zure musika-emanaldirako edo zure elkarterako.


Etorri Santurtzira, itsas-zaporea duen herri eder eta abegitsu bat izango duzu zain.