Santurtzitik abiatuko gara A8 autobidea hartuta aireporturako noranzkoan. Mungiarako noranzkoan jarraituko dugu eta 35 minutu igaro ostean Bakiora iritsiko gara. Han, hondartzaren ondoko pasealekuan ibil gaitezke.

Mendebaldeko muturretik Gaztelugatxeko San Juan ikus daiteke, ausarta Kantauri itsasoan sartzen.
Kostaldetik sigi-saga igotzen den errepidetik jarraituko dugu. San Joan begiratokira iritsi aurretik, San Pelaio ermita erromanikoa nabarmentzen da.

San Juan bisitatzeko erreserba egin behar da, batez ere udan.

Hala ere, errepide ondoan begiratoki batzuk daude, eta bertatik, leku ikusgarri honen edertasuna eta euskal kostalde malkartsua ikus daitezke.

Aurrerago, Matxitxako lurmuturraren ondoan geldialdi bat egitea gomendatzen dugu, itsas hegaztiak ikusteko lekurik onenetako bat, eta, zorte pixka batekin, urrutian baleren baten ufada ere bai.

Bermeon, giro alaia duten alde zahar eta arrantza-portuan ibiliko gara, talaiaren inguruan (kostaldeko begiratokia).
Kontserba-enpresa batzuek bisitaldiak eskaintzen dituzte beren instalazioetara.

Bermeotik Urdaibai Biosfera Erreserban sartuko gara. Euskal kostaldeak eta Euskadik eskaintzen diguten paisaia naturalik onenetakoa.