Santurtziko itsas-pasealekuak Abrako Badiaz gozatzera gonbidatzen du, itsasoaren brisa sentituz eta paisaiaz, jendeaz eta monumentuez gozatuz.
20 minutu eskasean egingo dugu Santurtziko arrantza portutik Bizkaia zubirako bidea, zeina Gizateriaren Ondare izendatu baitzuten.
Munduan eraiki duten estruktura metalikoko lehen zubi transbordadorea da eta, gaur egun, funtzionatzen jarraitzen du.
XIX. mendearen amaieran, Alberto de Palacio arkitektoak eta Eiffelen ikasle zuzena zen Ferdinand Arnodin ingeniari-eraikitzaileak itsasadarraren bi ertzak lotzeko modua asmatu zuten, itsas trafikoa eten gabe.
3 urteko lan gogorraren ondoren, ingeniaritza lan konplexu honek bizia hartu zuen eta 1893ko uztailaren 28an inauguratu zen. Burdinazko ametsa, gure historiaren, gure iragan industrialaren eta gure herriaren ikur bilakatua.
Bizkaia Zubiak Nerbioi ibaiaren bi ertzak lotzen ditu eta bi modu dugu gurutzatzeko:
- Ontzitxoan: oinez, bizikletaz, motoz edo autoz joan zaitezke. Zubia horretarako eraiki zen hasiera batean.
- Pasabidetik: igo igogailu panoramikoan oinezkoentzako pasabidera, 50 metroko altuerara. Bistak apartak dira eta Nerbioi ibaiaren bokale osoa ikusten da.