fbpx
Santurtzi logo

Santurtziko Antzerki Jaialdia, bizkaiko zaharrena

Urriaren 29tik azaroaren 28ra Santurtzik Bizkaiko Antzerki Jaialdiaren 42. edizioa biziko du.

Antzerkia indar handiagoz itzuliko da Santurtzira

Santurtziko Nazioarteko Antzerki Jaialdia, aurten 42. edizioa betetzen duena, indar handiagoz itzuliko da pandemiak ekarri dizkigun garai zailen ondoren, eta berriro ere edukiera % 100ean izango du.

Jaialdia, gure inguruko arte eszenikoen egutegian oso errotua dagoena, urriaren 29an hasi eta azaroaren 28an amaituko da. 15 ikuskizun zoragarri programatu ditugu, beti bezala, Serantes Kultur Aretoan eskaintzeko.

Prezio paregabeak

Bazkideentzako abonuaren prezioa 100 eurokoa da (120 euro publiko orokorrarentzat), eta antzezlan guztietako banakako txartelak  (euskarazko antzezlana eta haur eta familientzako antzezlana izan ezik) 10 eurokoak izango dira bazkideentzat.

Sarrerak erosotasunez eros ditzakezu hemen: https://ticket.kutxabank.es/seranteskulturaretoa/public/janto/

Bizi ezazu jaialdia!

42 Festival de teatro de Santurtzi

Ikuskizunak

Cremillo konpainiaren eta Jose Padilla zuzendariaren “Golfa” (urriaren 29an) antzezlanarekin hasiko da jaialdia. “Golfa” institutu baten atean agertzen den grafitia da, eta bi neraberen arteko haustura sentimentalaren ondoriozko jazarpen-istorio batera eramango gaitu.

Jarraian, “Principiantes” antzezlana izango dugu, Raymond Carverren kontakizun ezagunenetako baten gainean Juan Cavestanyk egindako egokitzapen bat. Lana maitasunaren ingurukoa da, elkarrekin hitz egiten duten lau pertsonaien eskutik: senar-emazte beteranoak eta harreman berriagoa duten lagun gazteagoak.

Mercado de amores” (azaroaren 6an) antzezlanak umore handiz eramango gaitu erromatarren eta gaur egungo gizartearen ustelkeria eta maitasunera, eta ustekabeko biraketa eta amaiera izango du; “Los remedios” (azaroaren 7an) 50eko hamarkadako Sevillako auzo bati buruzkoa da, bizitzak sortzen duen nahasmenari erantzuteko adiskidetasunari buruzko pieza.

Dantza eta perkusioa ere izango dira SKAren agertokian, “Currents” lanaren eskutik (azaroaren 12an), ikuskizuna nabarmenduko duten soinu elektronikoekin. Eta hurrengo egunean,  “Doble o nada” (azaroaren 13an), Miguel Ángel Solá eta Paula Cancio antzezleekin, talka emozionala eragingo duen antzezlana, bihurgunez  betea, eta hainbat izendapen eta sari jaso dituena.

Alexis Michaliken “Una historia de amor” (azaroaren 14an). Zuzendariak, gaur egun, lau lan desberdin ditu aldi berean Pariseko agertokietan. Antzezlan horri esker, Katia eta Justineren arteko maitasun-istorioa ezagutuko dugu. Intseminazio artifizialaren bidez izandako alabaz erditu eta gutxira desagertu egingo da Justine.

Jaialdiak euskarazko lan bat ere izango du, Amancay Gaztañagaren (azaroaren 18an) «Atzerrian lurra garratz», Ander Lipus eta Laura Penagos protagonista dituena, non immigrazioa eta sorkuntza bezalako gaiak jorratzen baitira, eta istorioaren erdian bere jaioterritik atera zen emakume sortzaile bat egongo da.

Ramón Barearen “El viaje a ninguna parte” (azaroaren 19an), Patxo Telleria edo Itziar Lazkanorekin batera; “El viento es salvaje” (azaroaren 20an) Cádizen gertatutakoaren gaineko zoriari eta erruari buruzko hausnarketa; “Conservando la memoria” (azaroaren 21ean) aitona-amonei egindako galdera-sorta, haiek eta beren oroimena betiko gorde nahian; edo “Tartufo” (azaroaren 26an), Pepe Viyuelarekin batera,  non nagusikeria moralaren despotismo zorrotza edo gezurraren justifikazioa biziraupenerako baliabide natural gisa jorratuko baitute. Horiek dira programatutako lan batzuk.

Nevermore” (azaroaren 27an), “Prestige” ontziaren hondamendiaren inguruko oroimen kolektiboaren erreskatea “eta” Vidas enterradas” (azaroaren 28an) kateatutako bakarrizketa batzuk, lekukotasun dokumentaletan oinarrituta idatziak. Azken horiek izango dira edizioaren bukaerako antzezlanak. Umeek ere “Tarzán (en el diván)” antzezlana gozatu ahal izango dute, oihaneko erregearen bizitzako gertakizun eta pertsonaia nagusienak birpasatuko dituena.

Bizi ezazu jaialdia!

Erlazionatutako argitalpenak

arri nire lekuan» kanpaina jarri du abian

«Jarri nire lekuan» kanpaina jarri du abian”

Santurtziko Udalak, ADISA Desgaituen Elkartearekin batera, «Jarri nire lekuan» kanpaina jarri du abian.
Santurtzi, Serantes Kultur Aretoa teatro

Urte berria eta programazio berria Serantes Kultur Aretoan 2022an

Ikuskizun programazio berria Serantes Kultur Aretoan 2022ko lehen seihilekoan.

Oparitu Santurtzi

Santurtziko Udalak Oparipack Santurtzi salgai jarri du, oparitzeko eta harritzeko zure neurrira egindako pack bat.

EMAN IZENA GURE BULETINEAN

Jaso gure berriak e-mailez

Ez galdu Santurtzin gozatu ditzakezun ekitaldi, jarduera eta esperientziei buruzko berriak.

Aprobetxatu gure deskontuak afari, erosketa edo ostatuetarako, eta irabazi sariak gure lehiaketa eta zozketekin.

Hori guztia Santurtzin ezin hobeto pasatzeko.

Santurtzi logo

Itsas zaporea


Santurtzik itsasoaz eta mendiaz, hiriko jarduerez eta naturaz gozatzeko, sasoiko arrainik onenak dastatzeko, txingarretan egindako sardina goxoak dastatzeko eta pintxo gozoak dastatzeko aukera ematen du.

Bizkaian zurezko arrantza-itsasontzietan geratzen den azkenetakoa ere bisitatu ahal izango duzu, bai eta Itsasoa Museoa ere. Bertan, gure esentzia eta itsas arima ezagutuko dituzu, eta antzeztutako arrain enkanteetara joan zaitezke.

Edo, nahiago baduzu, senti ezazu balea bat zugandik metro gutxira, eta hunkitu zure bizitzan izango duzun esperientzia onenetako batekin.


Itsasoratu gure belaontzi-irteerekin, edo alokatu espazio bat zure musika-emanaldirako edo zure elkarterako.


Etorri Santurtzira, itsas-zaporea duen herri eder eta abegitsu bat izango duzu zain.