fbpx
Santurtzi logo

Hiriko artea Santurtzin Keroren eskutik

Kero Santurtziko graffiti- eta mural-egile baten tag edo sinadura da, ume-umetatik ordu luzez marrazkigintzan aritu dena.

Gure herrian duela gutxi ezagutu dugu koadro elektrikoak apaintzeko prestatu duen egitasmoa; herriko marrazki-sorta bat, non Santurtziren nortasun-ikurrak nabarmendu egin dituen.

Sormenezko lana

Guztira, 20 koadro dira 16 gunetan jarrita (batzuek koadro bikoitzak dituzte), eta den-denei sormena darie barra-barra: kolore biziak, itsasoa nonahi eta Santurtzi ardatza dutela, herritarrek erraz ezagutzen dituzte irudiak. 

Azalera horiek txukundu ez balitu, hondatuta eta itsusi leudeke denak. Gainera, nolabaiteko arte urbanoa izanik, begirunez tratatzen dira graffitiak.

Ibilbide geldiezina

Kero 1994an hasi zen graffitiak marrazten, eta ia 10 urtez noiz behinka negozioak apaintzeko lanen bat edo beste egiten eman ostean, 2003an formatu handiko mural bat pintatu zuen udal baterako. Harrez geroztik hamaika proposamen eta dekorazio-lan profesional egin ditu, denak arrakastatsuak eta ezarritako helburuak beteta. Kalitate handiko obrak ditu eginak Estatu Espainiarreko hainbat hiritan, eta beste herrialde batzuetan ere bai.

Hainbat estilo jorratu ditu, besteak beste, graffitiak, umeentzako lanak, komikiak, lan umoretsuak eta obra errealistagoak edo amarru-irudiak.

Nabarmentzekoa da pertsonaiak sortzeko duen trebezia, ukitu ironikoa eta xehetasun ugari emanez pintatzen ditu eta.

Egiten dituen lan guztiak enkarguz egiten ditu, eta bitxia da, elkarrizketa batean jakinarazi zigun moduan, inoiz ez duelako lanerako bere burua eskaini. Bezeroek modu batez edo bestez aurkitu egiten dute, berari buruz ahotik ahora entzunda, langileren batek herria hobetzeko interesa agertzen duelako, kalean pintatzen ikusi dutelako, internet… hamaika bide daude Kerorenganaino heltzeko.

Erlazionatutako argitalpenak

Food truck Santurtzi

Food Truck Santurtzin

Apirilaren 8an berriro izango da gurean Food Truck Santurtzi. Nazioarteko azoka gastronomikoa asteburu osoan, eta hainbat jarduera gozatzeko.

BLG/BORSIG-12 lokomotorra

Gure eskualdeko burdinaren industriaren jatorria topatzeko Garai Modernoa hasi aurretiko bost edo sei mende egin behar dugu atzera.

Euskal kostaldeko museoen hilabetea

Martxoan, Agurtza atunontziak eta Santurtzi Itsas Museoa interpretazio zentroak ateak zabalduko dituzte eta Euskal Kostaldeko Museoen Hilabetearen ospakizunarekin bat egingo dute.

EMAN IZENA GURE BULETINEAN

Jaso gure berriak e-mailez

Ez galdu Santurtzin gozatu ditzakezun ekitaldi, jarduera eta esperientziei buruzko berriak.

Aprobetxatu gure deskontuak afari, erosketa edo ostatuetarako, eta irabazi sariak gure lehiaketa eta zozketekin.

Hori guztia Santurtzin ezin hobeto pasatzeko.

Santurtzi logo

Itsas zaporea


Santurtzik itsasoaz eta mendiaz, hiriko jarduerez eta naturaz gozatzeko, sasoiko arrainik onenak dastatzeko, txingarretan egindako sardina goxoak dastatzeko eta pintxo gozoak dastatzeko aukera ematen du.

Bizkaian zurezko arrantza-itsasontzietan geratzen den azkenetakoa ere bisitatu ahal izango duzu, bai eta Itsasoa Museoa ere. Bertan, gure esentzia eta itsas arima ezagutuko dituzu, eta antzeztutako arrain enkanteetara joan zaitezke.

Edo, nahiago baduzu, senti ezazu balea bat zugandik metro gutxira, eta hunkitu zure bizitzan izango duzun esperientzia onenetako batekin.


Itsasoratu gure belaontzi-irteerekin, edo alokatu espazio bat zure musika-emanaldirako edo zure elkarterako.


Etorri Santurtzira, itsas-zaporea duen herri eder eta abegitsu bat izango duzu zain.