Santurtziko Parketik irten eta Udaletxe eta San Jorge elizaren arteko oinezgunean gora Sabino Arana kalea igo eta Mamarigaraino helduko gara.
Han aurrerantz joko dugu oinezkoentzako arranpa hartu eta Nafarroa Etxe Taldea zeharkatuta.
Eskailera maila batzuk igo eta Vista Alegre kalea zeharkatuko dugu, bihurgunetsu gorantz jotzen duena, kalea gorago berriro hartu eta aurrera eginda, ezker alderantz jotzen duen bidexka bat hartzeko. Larre artean hormigoizko errepidea gehiagotan gurutzatuko dugu Gotorlekuaren ipar-aldera heldu arte.
Eraikuntza militarra, harresia, fosoa eta guzti, eskuin aldetik inguratuko dugu ate aurrean duen zabalgunera helduko gara. Hor argi eta garbi agertuko zaigu Serantes mendiko tontorreraino (452 m) zuzen igotzen den bidexka.
Jaitsieran Gotorlekua hego aldetik inguratuko dugu “GR123 Bizkaiko Bira” pista hartuta. Hegaztien behatokiraino helduko gara eta hortik Los Llanos zabalguneraino, non aska bat eta informazio-mahai bat topatuko ditugun.
Eskuin aldeko pistan behera, El Mazo muinoa (247 m) inguratuko dugu. Horretarako, pista utzi eta ezker alderantz jotzen duen bide bat hartuko dugu, landak hego-aldetik zeharkatuz hormigoizko pistarekin bat egin arte bere ferra-bihurgune batean.
Hortik behera jarraituko dugu hurrengo bihurgunetik 250 metroraino, non bide bat hartuko dugun ezkerraldera behera eginez Regales kaleraino. N644 autobiaren gainetik igarotzen den zubian aurrera, Santurtzira helduko gara.
Han 700 metro aurrerago ezkerraldera joko dugu, eskailera batzuetatik Udaletxe kalea errotondatik zeharkatuko dugu eta Sardinera Parkerantz abiatuko gara. Parkean eskuinaldera jo eta Iparragirre eta Itsasalde etorbidean behera,
Arrantza Portura iritsiko gara. Santurtziko itsas Museoa interpretazio-zentroan amaituko dugu ibilbidea.
